Doon far the Grim's keep stans alane

Doon far the Grim's keep stans alane,
I heard the corbies makin a main
Wi caw an chuckle they bantered awa
Whilst theekin thir nests fir Spring's new gain.

A Merganser spied hisel' on the Dee
Then douped his heid and swam awa
Tae fin a perch ir roach tae hansel
Fir his denner ir his tea

Ower on the moss a mute swan sat
Imperious tae aw thon stramash
Aa sandpipers sad lament aa exile,
Ir whig-maleries birlin ower tap.

The goudfinch gleamed aa tap a tree
As wi winching ee, lookit fir a quine
Tae hae his way, tae spread
His fine looks tae anither year

Twa riedbreests rauchled awa
In sang, tae haud their land
Frae each an ithers
Wha wid seek tae trespass.

Sae hushed passes by the Dee,
Wae nae tinckle ir chuckle
Nature's sang only brekit
By lorries trummlin by anent the road.

Ma ee keeked a wabster's net
Glistenin' in the winter sun
Ae shout oot fir any insects aboot
Tae gang anither way ir be et.

Aroon ma feet ma wee dug sniffs
A moudie's mountain, richt fresh,
An digs awa tae seek an fin
Thon moudie's naw hame at aa.

Doon far the Grim's keep stans alane,
I heard the corbies makin a main
Wi caw an chuckle they bantered awa
Whilst theekin thir nests fir Spring's new gain.